الرئيسية
نـُـقطة . ومن أول السطر
صحيت من نومي على الجملة دي .. قالها لي وأنا حاسسه إيده بتطبطب عليا .. ومش كده وبس
لأ
ده انا كمان كنت شايفه عينيه .. أيوة عينيه وفيها كل الحب والحنية عليا
وكانوا أربع كلمات زلزلتني .. مع انها مش أول مرة تحصل معايا إني اصحى من نومي بالطريقة دي .. لكن المرة دي كانت كتير مختلفة .. جايز علشان كنت خلاص وصلت لـمرحلة صعبة في حياتي من الإحساس باليأس .. وآد أيه كانت صعبانة عليا نفسي من كل اللي حصل معايا ..
لكن في الوقت ده خليتني في مكاني زي ما أنا .. لكن قعدت على السرير وضهري مسنود على الحيطة وبصيت قدامي كأني شايفه .. كأني بكلم حد قصادي واقف معايا وبيكلمني ..
قلت له ( ودموعي كانت بتتكلم قبل مني ) .. ليه كل ده أيه اللي حصل مني علشان أوصل للنتيجة دي وأخسر حاجات كتيرة بالشكل الصعب ده أنا طلبتك وقلت لك خليك معايا .. ليه سبتني لوحدي ده أنا كنت بعلن إنك شفاء المشاعر الجريحة يبقى معقول إنك تسمح بجرحي مع إني كنت معاك ومزعلتكش .. كتير كنت حاسك معايا وراضي عني .. ومحسيتش في لحظة إنك مش معايا أو إني ماشيه في طريق مش بتاعي
ليه مقلتليش كنت إلفت نظري وعرفني اني كنت ماشيه في طريق غلط وعايزه حاجة مش بتاعتي
قاللي .. كل الاسئلة دي جواك ليا .. لكن مسألتش نفسك هي صح ولا غلط محاولتيش تجاوبى عني كتير كنت بكلمك وبتسمعى .. كنت بعلمك وبشاورلك وانت كنتى بتفهمى الدرس بسرعة
قلت له .. أيوة بس المرة دي كنت إنت فين مني انت سبتني لوحدي في الطريق ده .. غرقت فجأة ومشفتكش بتمدلي ايدك
قاللي .. إنت مشوفتنيش علشان مكنتيش عايزه تشوفيني .. ومفكرتيش انك تدوري على إيدي وتمسكيني زي يعقوب ما عمل معايا وقاللي ( لا أطلقك ان لم تباركني ) .. إنت كنتي مبسوطه وفرحانه بنفسك وبالمرحلة اللي انت وصلتيلها بذاتك ومجهودك .. صحيح طلبتيني في الاول لكن مستنيتيش تسمعي رأيي .. مكنش عندك وقت تاخدي مني النصيحة .. ولا فكرت إنك تسلمي لي الموضوع اللي تعبك ده غير بعد ما حسيتي ان كل حاجة بتضيع من إيدك
كمل كلامه وقاللي ..
حبيبتي أنا مش بعددلك غلطاتك .. ولا كنت واقف لك على الواحدة .. ولا كلامي ده معناه إني فاكر لك أخطائك .. لكن إفهمي بالروح معنى كلامي .. أنا بشاورلك على اللي انت عملته وهدفي أعلمك علشان متوقعيش في نفس الغلطة دي مرة تانية
وهو بيكلمني كنت شايفه زي شريط سينما قدامي .. فيلم فيه كل الاحداث والحاجات اللي مرت بيا .. وكان كل ما يحكي لي اكتر .. كان صابعه بيشاورلي على أخطائي في الفيلم اللي قدامي .. وكأنه بيقوللي ( هااااا افتكرت )
كنت قاعده ومش عارفه اتكلم .. أصل هتكلم اقول ايه
قاللي : حبيبتي .. إعرفي إنك بنتى وغاليا عندي قوي .. وميهونش عليا أسيبك زي ما اتهمتيني
إنت صحيح موصلتيش للي انت عايزاه .. وبتقولى انك خسرتى .. لكن أنا بقولك لأ .. عشان إنتى وصلت للي أنا عايزه .. واللي انا عايزه ده لمصلحتك إنت .. وده مكسب مش خسارة .. ولو لسة حاسسه إنك خسرت .. تبقى انت خسرت حاجة كانت هتتعبك بعدين .. علشان كده فكرى وشوفى إن كان اللي حصلك ده خسارة فعلاً ولا مكسب
أنا لما بعمل .. بعمل لخيرك .. وببعد عنك كل اللي ممكن يضرك
ومتنسيش إن ده وعدي ليكي
" أعلمك وأرشدك الطريق التي تسلكها .. أنصحك عيني عليك "
" لأن كل الأشياء تعمل معاً للخير للذين يحبون الله ........ "
ومش بس إنتي اللي بتحبيني .. لأ .. ده أنا بحبك وبخاف عليكي .. إنت حتة مني وغاليه عليا
وأنا فعلاً بشفي الأعماق مهما كان الجرح زي ما كنت بتقولي عني .. عشان كده أفهم الدرس اللي فات ده واحفظه كويس وتعالى نبدأ مع بعض
نقطة . ومن أول السطر
كنت بسمع الكلام ده وأنا مكسوفه من نفسي .. عشان كان عارف كل اللي انا مريت بيه .. كان شايف آد أيه أنا تعبت وسلمت كل حاجة جوايا لليأس والإحباط .. وهدفه إنه يصنع مني قلب جديد .. فكر جديد لإنسان جديد ..
لكن المشكلة دلوقت .. هقدر أنسى الإساءة والجرح والخسارة اللي تعبوني
هقدر أسيب له نفسي علشان يشفي مشاعري الجريحة
هقدر أنسى كل ضعف وكل خطية عشت فيها وعاشت فيا
درس جديد .. درس يبان إنه صعب .. لكن بالمحاولة والتركيز بدأت أفهم واستوعب اللي حصل
بدأت أنسى كل جرح فيا .. كل ألم وجعت بيه نفسي .. كل يأس وإحباط مريت فيه .. لكن مش هنسى أبداً نصيحته ليا .. إني أبدأ حياة جديدة فيه .. وبـيـه هـو .. ومعاه
نقطة . ومن أول السطر
منقوووووووووووووول
صحيت من نومي على الجملة دي .. قالها لي وأنا حاسسه إيده بتطبطب عليا .. ومش كده وبس
لأ
ده انا كمان كنت شايفه عينيه .. أيوة عينيه وفيها كل الحب والحنية عليا
وكانوا أربع كلمات زلزلتني .. مع انها مش أول مرة تحصل معايا إني اصحى من نومي بالطريقة دي .. لكن المرة دي كانت كتير مختلفة .. جايز علشان كنت خلاص وصلت لـمرحلة صعبة في حياتي من الإحساس باليأس .. وآد أيه كانت صعبانة عليا نفسي من كل اللي حصل معايا ..
لكن في الوقت ده خليتني في مكاني زي ما أنا .. لكن قعدت على السرير وضهري مسنود على الحيطة وبصيت قدامي كأني شايفه .. كأني بكلم حد قصادي واقف معايا وبيكلمني ..
قلت له ( ودموعي كانت بتتكلم قبل مني ) .. ليه كل ده أيه اللي حصل مني علشان أوصل للنتيجة دي وأخسر حاجات كتيرة بالشكل الصعب ده أنا طلبتك وقلت لك خليك معايا .. ليه سبتني لوحدي ده أنا كنت بعلن إنك شفاء المشاعر الجريحة يبقى معقول إنك تسمح بجرحي مع إني كنت معاك ومزعلتكش .. كتير كنت حاسك معايا وراضي عني .. ومحسيتش في لحظة إنك مش معايا أو إني ماشيه في طريق مش بتاعي
ليه مقلتليش كنت إلفت نظري وعرفني اني كنت ماشيه في طريق غلط وعايزه حاجة مش بتاعتي
قاللي .. كل الاسئلة دي جواك ليا .. لكن مسألتش نفسك هي صح ولا غلط محاولتيش تجاوبى عني كتير كنت بكلمك وبتسمعى .. كنت بعلمك وبشاورلك وانت كنتى بتفهمى الدرس بسرعة
قلت له .. أيوة بس المرة دي كنت إنت فين مني انت سبتني لوحدي في الطريق ده .. غرقت فجأة ومشفتكش بتمدلي ايدك
قاللي .. إنت مشوفتنيش علشان مكنتيش عايزه تشوفيني .. ومفكرتيش انك تدوري على إيدي وتمسكيني زي يعقوب ما عمل معايا وقاللي ( لا أطلقك ان لم تباركني ) .. إنت كنتي مبسوطه وفرحانه بنفسك وبالمرحلة اللي انت وصلتيلها بذاتك ومجهودك .. صحيح طلبتيني في الاول لكن مستنيتيش تسمعي رأيي .. مكنش عندك وقت تاخدي مني النصيحة .. ولا فكرت إنك تسلمي لي الموضوع اللي تعبك ده غير بعد ما حسيتي ان كل حاجة بتضيع من إيدك
كمل كلامه وقاللي ..
حبيبتي أنا مش بعددلك غلطاتك .. ولا كنت واقف لك على الواحدة .. ولا كلامي ده معناه إني فاكر لك أخطائك .. لكن إفهمي بالروح معنى كلامي .. أنا بشاورلك على اللي انت عملته وهدفي أعلمك علشان متوقعيش في نفس الغلطة دي مرة تانية
وهو بيكلمني كنت شايفه زي شريط سينما قدامي .. فيلم فيه كل الاحداث والحاجات اللي مرت بيا .. وكان كل ما يحكي لي اكتر .. كان صابعه بيشاورلي على أخطائي في الفيلم اللي قدامي .. وكأنه بيقوللي ( هااااا افتكرت )
كنت قاعده ومش عارفه اتكلم .. أصل هتكلم اقول ايه
قاللي : حبيبتي .. إعرفي إنك بنتى وغاليا عندي قوي .. وميهونش عليا أسيبك زي ما اتهمتيني
إنت صحيح موصلتيش للي انت عايزاه .. وبتقولى انك خسرتى .. لكن أنا بقولك لأ .. عشان إنتى وصلت للي أنا عايزه .. واللي انا عايزه ده لمصلحتك إنت .. وده مكسب مش خسارة .. ولو لسة حاسسه إنك خسرت .. تبقى انت خسرت حاجة كانت هتتعبك بعدين .. علشان كده فكرى وشوفى إن كان اللي حصلك ده خسارة فعلاً ولا مكسب
أنا لما بعمل .. بعمل لخيرك .. وببعد عنك كل اللي ممكن يضرك
ومتنسيش إن ده وعدي ليكي
" أعلمك وأرشدك الطريق التي تسلكها .. أنصحك عيني عليك "
" لأن كل الأشياء تعمل معاً للخير للذين يحبون الله ........ "
ومش بس إنتي اللي بتحبيني .. لأ .. ده أنا بحبك وبخاف عليكي .. إنت حتة مني وغاليه عليا
وأنا فعلاً بشفي الأعماق مهما كان الجرح زي ما كنت بتقولي عني .. عشان كده أفهم الدرس اللي فات ده واحفظه كويس وتعالى نبدأ مع بعض
نقطة . ومن أول السطر
كنت بسمع الكلام ده وأنا مكسوفه من نفسي .. عشان كان عارف كل اللي انا مريت بيه .. كان شايف آد أيه أنا تعبت وسلمت كل حاجة جوايا لليأس والإحباط .. وهدفه إنه يصنع مني قلب جديد .. فكر جديد لإنسان جديد ..
لكن المشكلة دلوقت .. هقدر أنسى الإساءة والجرح والخسارة اللي تعبوني
هقدر أسيب له نفسي علشان يشفي مشاعري الجريحة
هقدر أنسى كل ضعف وكل خطية عشت فيها وعاشت فيا
درس جديد .. درس يبان إنه صعب .. لكن بالمحاولة والتركيز بدأت أفهم واستوعب اللي حصل
بدأت أنسى كل جرح فيا .. كل ألم وجعت بيه نفسي .. كل يأس وإحباط مريت فيه .. لكن مش هنسى أبداً نصيحته ليا .. إني أبدأ حياة جديدة فيه .. وبـيـه هـو .. ومعاه
نقطة . ومن أول السطر
منقوووووووووووووول
